ඉන්ස්ටග්‍රෑම් ඉතිහාසය අළුත් කළ මෙසීගේ ඡායාරූපය
ඉන්ස්ටග්‍රෑම් සමාජ මාධ්‍යයෙහි වඩාත්ම කැමැත්ත (ලයික්) හිමිකරගත් ඡායාරූපය බවට පත්වීමට ලයනල් මෙසී ලෝක කුසලානය හිමිකර ගත් ඡායාරූපය පත්වී ඇත.
ඒ් මීට වසර 4 කට ආසන්න කාළයක් එම වාර්තාව හිමිකරගෙන සිටි ‘බිත්තරයේ’ ඡායාරූපය දින දෙකක් තුළදී අබිබවමින් වීම විශේෂත්වයකි. මෙසී පසුගියදා (18) ලෝක කුසලාන ජයග්‍රහණයෙන් අනතුරුව ලෝක කුසලානය ඔසවාගෙන සිටින ආකාරය දැක්වෙන මෙම ඡායාරූපය මෙසීගේ නිළ ඉන්ස්ටග්‍රෑම් ගිණුමේ පළකොට තිබිණ.
මෙම ඡායාරූපයට ඊයේ මධ්‍යම රාත්‍රී වන විට ලැබී තිබූ ලයික් ප්‍රමාණය මිලියන 65 ඉක්මවා තිබිණ. මේ අතර මෙම ඡායාරූපය විසින් අබිබවූ මීට පෙර වැඩිම ලයික් සංඛ්‍යාවක වාර්තාවේ ඡායාරූපය තනි බිත්තරයක ඡායාරූපයක් වීම විශේෂත්වයකි.
නිදහස් ඡායාරූප ශිල්පියෙකු වන සර්ජෙ ප්ලැටොනොව් විසින් 2015 වර්ෂයේදී අන්තර්ජාලයේ ප්‍රසිද්ධ ලද මෙම ඡායාරූපය, 2019 වර්ෂයේ ජනවාරි මසදී ඉන්ස්ටග්‍රෑම් වෙබ් අඩවිය හරහා ප්‍රසිද්ධ කොට තිබුනේ මානසික සෞඛ්‍යය ප්‍රවර්ධනය කිරීමේ අරමුණිනි.
එහිදී මෙම ඡායාරූපය ‘ලොව වැඩිම ලයික් සංඛ්‍යාවක් සහිත ඡායාරූපය කරමු’ යන තේමාව යටතේ ප්‍රසිද්ධ කෙරුණු අතර එය දින කිහිපයක් තුළ ලොව වැඩිම ලයික් සහිත ඡායාරූපය බවට පත්විය. මේ වනවිට ඒම ඡායාරූපය සතු ලයික් ප්‍රමාණය මිලියන 57 කට අධිකය.
මෙසීගේ ඡායාරූපයට පෙර ඉන්ස්ටග්‍රෑම්හි වැඩිම ලයික් සංඛ්‍යාවක් සිත බිත්තරයේ ඡායාරූපය
ඉන්ස්ටග්‍රෑම්හි වැඩිම ලයික් සංඛ්‍යාවක් සහිත මෙසීගේ ඡායාරූපය
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
