ඉන්දියාව, දකුණු අප්‍රිකාව දැවැන්ත ජයග්‍රහණ ලබයි

පන්දුවාර විස්සයි20 ලෝක කුසලාන තරගාවලිය යටතේ ඉන්දිය කණ්ඩායම හා නෙදර්ලන්ත කණ්ඩායම අතර පැවැති තරගයෙන් ඉන්දීය කණ්ඩායමද දකුණු අප්‍රිකා කණ්ඩායම හා බංග්ලාදේශ කණ්ඩායම අතර පැවැති තරගයෙන් දකුණු අප්‍රිකා කණ්ඩායමද දැවැන්ත ජයග්‍රහණයන් වාර්තා කිරිමට සමත්වූයේය.

දකුණ අප්‍රිකා කණ්ඩායම හා බංග්ලාදේශ කණ්ඩායම අතර පැවැති තරගයේදී මුලින්ම පන්දුවට පහරදුන් දකුණු අප්‍රිකා කණ්ඩායම කඩුලු 5ට ලකුණු 205ක් රැස්කිරිමට සමත්විය. මෙහිදී රිරි රෝසෝව් විශිෂ්ඨ ශතකයක් වාර්තා කිරීමට සමත්විය.

ලකුණු 206ක ජයග්‍රාහී ඉලක්කයක් හඹා ගිය බංග්ලාදේශ කණ්ඩායමට රැස්කළ හැකිවූයේ ලකුණු 101ක් පමණි ඒ අනුව දකුණු අප්‍රිකාවට ලකුණු 104ක ජයක් අත්විය.

එසේම ඉන්දීය කණ්ඩායම හා නෙදර්ලන්ත කණ්ඩායම අතර පැවැති තරගයේ මුලින්ම  පන්දුවට පහරදුන් ඉන්දීය කණ්ඩායම ලකුණු 179ක් රැස්කිරීමට සමත්විය. මෙහිදී රෝහිත් ශර්මා, විරාත් කෝලි හා සූර්ය කුමාර් යාදව අර්ධ ශතක රැස්කිරීමට සමත්වූහ.

පිළිතුඑු ඉනිම ක්‍රීඩා කළ නෙදර්ලන්ත කණ්ඩායමට රැස්කළ හැකිවූයේ ලකුණු 123ක් පමණි. ඒ අනුව ඉන්දීය කණ්ඩායමට ලකුණු 56ක ජයක් හිමිවිය.