ආසියානු කුසලානයේ සත්කාරකත්වය පාකිස්තානයට

ලබන වසරේදී පැවැත්වීමට නියමිත ආසියානු කුසලාන විස්සයි20 තරගාවලියේ සත්කාරකත්වය පාකිස්තානයට හිමිව තිබේ. සිංගප්පූරුවේ පැවැති ආසියානු ක්‍රිකට් කවුන්සිල රැස්වීමේදී මෙම තීරණය ගෙන තිබේ.

කෙසේ වෙතත් තරගාවලිය පැවැත්වෙන්නේ කුමන නගරයකදීද යන්න පිළිබඳව තවමත් තීරණයක් ගෙන නොමැත. කෙසේ වෙතත් තරගාවලිය පැවැත්වෙන නගරය නොබේ දිනකින්ම නම් කිරිමට පාකිස්තානය සැලසුම්කර තිබේ.

තරගාවලිය 2020 වසරේ සැප්තැම්බර් මාසයේදී පැවැත්වීමට නියමිත අතර ඊට මාසයකට පසුව ඔස්ට්‍රේලියාවේ පැවැත්වීමට නියමිත විස්සයි20 ලෝක කුසලාන තරගාවලිය ඔස්ට්‍රේලියාවේදී ආරම්භ වීමට නියමිතය.

2008 වසරේදී පාකිස්තානය අවසන්වරට එක්දින ආසියානු කුසලාන තරගාවලියේ සත්කාරකත්වය දරා ඇත.