ආසියානු කුසලානයට ලංකාවේ සංචිතය නම්කරයි

ආසියානු කුසලාන ක්‍රිකට් තරගාවලිය සඳහා සහභාගිවන ශ්‍රි ලංකා ක්‍රිකට් සංචිතයට ක්‍රීඩා අමාත්‍ය රොෂාන් රණසිංහ මහතාගේ අනුමැතිය ලබා දි තිබේ. දසුන් ශානකගේ නායකත්වයෙන් හා චරිත් අසලංකගේ උපනායකත්වයෙන් යුත් මෙම සංචිතය සඳහා ක්‍රීඩකයන් 20ක් ඇතුළත් වෙයි.

යොවුන් ක්‍රීඩක දුනිල් වෙල්ලාලගේට මෙම සංචිතයේ ඉඩක් හිමි නොවුණත් නවක ක්‍රීඩකයන් වන ඩිල්ෂාන් මධුශංක, නුවනිඳු ප්‍රනාන්දු යන ක්‍රීඩකයන් මෙම සංචිතයට ඇතුළත් කර තිබේ.

ශ්‍රී ලංකා සංචිතය - දසුන් ශානක (නායක), චරිත් අසලංක (උපනායක), ධනුෂ්ක ගුණතිලක, පැතුම් නිශ්ශංක, කුසල් මෙන්ඩිස් (කඩුලු රකින්නා), භානුක රාජපක්ෂ (කඩුලු රකින්නා), දිනේෂ් චන්දිමාල් (කඩුලු රකින්නා), අශේන් බණ්ඩාර, ධනංජය ද සිල්වා, වනිඳු හසරංග, මහීෂ් තීක්ෂණ, ජෙෆ්රි වැන්ඩසේ, ප්‍රවීන් ජයවික්‍රම, දුෂ්මන්ත චමීර, බිනුර ප්‍රනාන්දු, චාමික කරුණාරත්න, ඩිල්ෂාන් පතිරණ, කසුන් රාජිත, නුවනිඳු ප්‍රනාන්දු, මතීෂ පතිරණ