අයර්ලන්තය එංගලන්තය පරදවයි - ප්‍රසාද ලකුණු සටහනේ ලංකාව ඉදිරියට

පන්දුවාර විස්සයි20 ලෝක කුසලාන තරගාවලිය යටතේ අයර්ලන්ත කණ්ඩායම හා එංගලන්ත කණ්ඩායම අතර පැවැති තරගයෙන් ඩක්වර්ත් ලුවිස් න්‍යායට අනුව ලකුණු 5ක ජයක් වාර්තා කිරිමට අයර්ලන්ත කණ්ඩායම සමත්විය.

තරගයේ මුලින්ම  පන්දුවට පහරදුන් අයර්ලන්තය ලකුණු 157ක් රැස්කිරීමට සමත්විය. ලකුණු 158ක ජයග්‍රාහී ඉලක්කයක් හඹා යමින් සිටි එංගලන්ත කණ්ඩායම වර්ෂාව හේතුවෙන් තරගය අත්හැර දමන විට පන්දුවාර 14.3කදී කඩුලු 5ට ලකුණු 105ක් රැස්කරගෙන සිටියේය.

ඒ අනුව ඩක්වර්ත් ලුවිස් න්‍යායට අනුව අයර්ලන්තයට ලකුණු 5ක ජයක් හිමිවිය. අයර්ලන්ත කණ්ඩායමේ මෙම ජයත් සමගින් ඒ කාණ්ඩයේ ප්‍රසාද ලකුණු සටහනේ දෙවැනි ස්ථානය දක්වා ශ්‍රි ලංකාව ඉදිරියට පැමිණ තිබේ.