කොටුවේ පොඩි හාමුදුරුවන් වහන්සේගේ අනුශාසකත්වයෙන් පින්කම් මාලාවක්

කොටුවේ පොඩි හාමුදුරුවන් වහන්සේගේ අනුශාසකත්වය යටතේ පවත්වනු ලැබූ පින්කම් මාලාවක් පසුගියදා (30දා) උන්වහන්සේ වැඩ වාසය කරන කැලණිමුල්ල සඳහම් සිසිල මාපිය සිසිල මධ්‍යස්ථානයේදී පැවැත්විණි.

මෙහිදී සාමණේර හිමිවරුන් සියක් නමක් වෙනුවෙන් ශිෂ්‍යත්ව පිරිනැමීම, ගැබිනි මාතාවන් සියයකකට අවශ්‍ය ද්‍රව්‍ය ලබාදීම, අසරණ පවුල් 5කට නිවාස ඉදිකිරීම සඳහා නිවාස ඉදිකිරීම් ආරම්භ කිරීම සිදු විය.

එසේම විහාරස්ථානයේ අභිනව රන්වැට ඉදිකිරීම, සාමණේර හිමිවරුන්ගේ අධ්‍යාපන කටයුතු සඳහා අවශ්‍ය උපකරණ ලබාදීම, විහාරස්ථාන 300ක් වෙනුවෙන් රඬු ලබාදීම වෙනුවෙන් ක්‍රියාත්මක කරන වැඩසටහනේ තවත් අදියර දෙකක්ද මෙහිදී ක්‍රියාත්මක විය. පුණ්‍ය උත්සවය අවසානයේදී ගැබිනි මාතාවන් වෙනුවෙන් රාත්‍රී ආහාරය පිරිනැමීමද සිදු කරන ලදී.