ඇමති පාඨලීට ගෞරව නාමයක්

- 9 07 2018 - 09:10 - {{hitsCtrl.values.hits}} views - රුවන් කාශ්‍යප

රට දැය සමයේ ප‍්‍රගමනය උදෙසා කරන්නා වූ කැපවීමට ඇමති පාඨලී චම්පිකට අමරපුර මහා සංඝ සභාවෙන් විශේෂ ගෞරව නාමයක් පිරිණමා ඇත.

ඒ අනුව පාඨලී චම්පික රණවක අමාත්‍යවරයා වෙත ශාසනාභිමාන්‍ය ජනරංජන දේශබන්ධු යන ගෞරව නාමය අමරපුර සංඝ සභාව විසින් පිරිනමා ඇත.

ශ‍්‍රී ලංකා අමරපුර මහා නිකායේ උත්තරීතර මහානායක අග්ගමහා පණ්ඩිත, මහෝපාධ්‍ය,අතිපූජ්‍ය කොටුගොඩ ධම්මාවාස මහානායක ස්වාමීන් වහන්සේගේ මූලාසනයෙන් මෙම ගෞරව නාමය ඊයේ (08දා) පිරිනමා ඇත.

එම අවස්ථාවට ශ‍්‍රී ලංකා අමරපුර මහා සංඝ සභාවේ මහෝපාධ්‍ය අතිපූජ්‍ය දොඩම්පහල චන්ද්‍රසිරි මහානායක ස්වාමීන් වහන්සේ ප‍්‍රධාන පාර්ශවීය මහනායක - අනුනායක මාහිමිපාණන් වහන්සේලා ඇතුළු අති පූජනීය මහා සංඝරත්නය වැඩමමා තිබේ.