WHO මන්කිපොක්ස් නම වෙනස් කිරීමට සූදානම්ලු

ලෝක සෞඛ්‍ය සංවිධානය (WHO) නුදුරේදීම මන්කිපොක්ස් රෝගය “MPOX” ලෙස නම වෙනස් කිරීම ප්‍රකාශයට පත් කරනු ඇති බව විදෙස් වාර්තා අනාවරණය කරයි. වොෂිංටනයේ බලපෑම් මත මෙම තීරණය ගෙන ඇති බවද එම වාර්තා පවසයි.

මෙම රෝගය උතුරු ඇමරිකාවේ සහ යුරෝපයේ දස දහස් ගණනකට බලපෑම් කිරීමෙන් පසු මෙම වසරේ ගෝලීය මාධ්‍යවල අවධානයට ලක්විය.

තාක්ෂණික වශයෙන් ලිංගිකව සම්ප්‍රේෂණය වන ආසාදනයක් නොවූවත්, එය ප්‍රධාන වශයෙන් සම සහ ශ්ලේෂ්මල සම්බන්ධතා හරහා පැතිරෙන අතර සමලිංගික පිරිමින්ට විශාල වශයෙන් බලපා ඇත.

ලෝක සෞඛ්‍ය සංවිධානයේ දත්ත පෙන්නුම් කරන්නේ බොහෝ වාර්තාගත සිද්ධීන් සිදුවී ඇත්තේ ලිංගික සම්බන්ධතා සහිත සාදයන්හිදී බවය.

එක්සත් ජනපද නිලධාරීන් ප්‍රකාශ කර ඇත්තේ මන්කි (වඳුරු) යන නම එන්නත් කිරීමේ ප්‍රයත්නයන්ට බාධා කරන බවයි.