ෂී සහ පූටින් විශේෂ හමුවක් සඳහා සූදානම් - චීනය කියයි

චීන ජනාධිපති ෂී ජින්පිං, රුසියානු ජනාධිපති ව්ලැඩිමීර් පූටින් සමග වීඩියෝ සබැඳියක් හරහා එලැඹෙන 15දා හමුවක් පවත්වන බව චීන විදේශ අමාත්‍යාංශය නිවේදනය කරයි.

සඳුදා නිත්‍ය මාධ්‍ය හමුවේදී චීන විදේශ අමාත්‍යාංශයේ ප්‍රකාශක වැන්ග් වෙන්බින් පැවසුවේ නායකයින් දෙදෙනා ද්විපාර්ශ්වික සබඳතා වර්ධනය කිරීම සහ දෙරටේ විවිධ ක්ෂේත්‍රවල ලබා ඇති සහයෝගීතා ජයග්‍රහණ සාරංශගත කරමින් මෙම සාකච්ඡාව පවත්වනු ඇති බවයි.

ඔවුන් ද්විපාර්ශ්වික සබඳතාවල අනාගත සංවර්ධන මාර්ගය සැලසුම් කරන අතර, පොදු අවශ්‍යතා ඇති ප්‍රධාන ජාත්‍යන්තර සහ කලාපීය ගැටලු පිළිබඳව අදහස් හුවමාරු කර ගනු ඇති බවද වැන්ග් පැවසීය.

ප්‍රකාශකයාට අනුව, මෙම රැස්වීම ඉහළ මට්ටමේ අන්‍යෝන්‍ය විශ්වාසය තවදුරටත් ඉහළ නැංවීමට අපේක්ෂා කරන්නක් වන අතර, පැටලී ඇති ජාත්‍යන්තර තත්ත්වය ස්ථාවර කිරීම සඳහා චීනය සහ රුසියාව අතර උපායමාර්ගික සම්බන්ධීකරණය සහ පුළුල් සහයෝගීතාව ඉදිරියට ගෙන යාමට අපේක්ෂා කරයි.