බලවත්ම න්‍යෂ්ටික බලවේගය සාදන බව උ.කොරියාව කියයි

උතුරු කොරියාව ලෝකයේ බලවත්ම න්‍යෂ්ටික හැකියාව ලබා ගැනීමට උත්සාහ කරන බව එම ජාතියේ නායක කිම් ජොන්ග් උන් පැවසීය.

එක්සත් ජනපදයේ ප්‍රධාන භූමියට ළඟාවිය හැකි යැයි සැලකෙන නව අන්තර් මහද්වීපික බැලස්ටික් මිසයිලයක් (ICBM) මෑතකදී සාර්ථක ලෙස අත්හදා බැලීම සඳහා සම්බන්ධ වූ හමුදා නිලධාරීන් සහ විද්‍යාඥයන් උසස් කිරීමටද ඔහු නියෝග කළේය.

රාජ්‍ය කොරියානු මධ්‍යම ප්‍රවෘත්ති ඒජන්සිය (KCNA) විසින් උපුටා දක්වන ලද ඔහුගේ නියෝගයේ, කිම් පැවසුවේ උතුරු කොරියාවේ “අවසාන ඉලක්කය වන්නේ ලෝකයේ බලවත්ම උපායමාර්ගික බලවේගය, සියවසේ පෙර නොවූ විරූ න්‍යෂ්ටික බලය හිමිකර ගැනීම” බවයි.