කොවිඩ්වලින් පසුව උතුරු කොරියාව යළි විවෘත කරයි

කොවිඩ්-19 වසංගත යුගයේ පැනවූ දේශසීමා පාලනය ලිහිල් කරමින් විදේශයන්හි වෙසෙන තම පුරවැසියන්ට ආපසු සිය රට බලා යාමට ඉඩදෙන බව උතුරු කොරියාව නිවේදනය කර තිබේ. 

නමුත් ඔවුන්ට තවමත් සතියක නිරෝධායනයක් කිරීමට අවශ්‍ය වනු ඇති බවද සඳහන්ය.

එරට රජයේ හදිසි වසංගත වැළැක්වීමේ මූලස්ථානයට අනුව ලෝක ව්‍යාප්ත වසංගත තත්ත්වයේ සීමා ලිහිල් කිරීම සම්බන්ධයෙන් ක්‍රමානුකූලව පියවර ගැනීමට රට තීරණය කර ඇත.

එරට රාජ්‍ය මාධ්‍ය ආයතනයක් වන KCNA විසින් ඉරිදා වාර්තා කරන ලද නිවේදනයට අනුව, අනෙකුත් බොහෝ ආසියානු රටවල් ඔවුන්ගේ වසංගත යුගයේ සීමාවන් ලිහිල් කිරීමෙන් මාස කිහිපයකට පසුව උතුරු කොරියාව මෙම තීරණයට පැමිණ ඇත.