එක්සත් ජාතීන්ගේ සහන ප්‍රධානියාටත් කොවිඩ්

එක්සත් ජාතීන්ගේ මානුෂීය කටයුතු පිළිබඳ උප මහලේකම් මාටින් ග්‍රිෆිත්ස් කොවිඩ්-19 වෛරසය සඳහා ධනාත්මක බව පරීක්‍ෂා කර ඇති අතර, මේ සමග ඔහුගේ ඉදිරි සංචාර අවලංගු කර තිබේ.

ඔහු මේ සතියේ තුර්කියට යාමට නියමිතව තිබුණේ ජනාධිපති රිසෙප් තයීප් එර්ඩොගාන් සහ අනෙකුත් නිලධාරීන් හමුවීමටත්, යුක්රේනය සහ රුසියාව අතර මානුෂීය සාකච්ඡා පැවැත්වීමේ අපේක්ෂාවන් පිළිබඳව සාකච්ඡා කිරීමටත්ය.

මෙම මස මුලදී, ග්‍රිෆිත්ස් මොස්කව් සහ කියෙව් හි ජ්‍යෙෂ්ඨ නිලධාරීන් හමුවී මානුෂීය සටන් විරාම සඳහා එක්සත් ජාතීන්ගේ අභිලාෂයන් සහ සිවිල් වැසියන් ඉවත් කිරීමේ පැති මෙන්ම, මානුෂීය සැපයුම් ලබාදීම වැඩිදියුණු කිරීමේ ක්‍රම සාකච්ඡා කිරීමටද කටයුතු කළේය.