ඇමෙරිකානු ආධිපත්‍ය සඳහා ප්‍රජාතන්ත්‍රවාදය පාවිච්චි කිරීම
එක්සත් ජනපදය විසින් පවත්වන ලද "ප්‍රජාතන්ත්‍රවාදය සඳහා වූ සමුළුව" හෙළා දකිමින් චීන විදේශ අමාත්‍යංශය කියා සිටියේ, ඇමෙරිකාව විසින් ප්‍රජාතන්ත්‍රවාදය එහි ආධිපත්‍යය සඳහා මෙවලමක් සහ ආයුධයක් බවට පත් කරගෙන කටයුතු කරන බවයි.
චීන විදේශ අමාත්‍යාංශයේ ප්‍රකාශකයෙකු නිවේදනයක් නිකුත් කරමින් කියා සිටියේ, සමුළුව පැවැත්වීමෙන් මතවාදී රේඛා ඇඳීමේ උත්සාහයක් ලෙස, එක්සත් ජනපදය ප්‍රජාතන්ත්‍රවාදයේ කඩතුරාව යටතේ ප්‍රජාතන්ත්‍රවාදය වැළැක්වීමට උත්සාහ කළ බවත්, බෙදීම් සහ ගැටුම් අවුලුවාලීමට සහ ඇමෙරිකාව තුළම වූ අභ්‍යන්තර ගැටලුවලින් අවධානය වෙනතකට යොමු කිරීමට උත්සාහ කරන බවත්ය.
එක්සත් ජනපදය ලෝකය පුරා සිය ආධිපත්‍යය ආරක්ෂා කිරීමට උත්සාහ කර ඇති අතර, එක්සත් ජාතීන්ගේ සංවිධානය එහි හරය වන ජාත්‍යන්තර පද්ධතියට වල කැපීමට සහ ජාත්‍යන්තර නීතියට යටින් ඇති ජාත්‍යන්තර පිළිවෙල ඉක්මවා යෑමට උත්සාහ කර ඇති බව ප්‍රකාශකයා පැවසීය.
"එක්සත් ජනපදයේ මේ පියවර කාලයේ ප්‍රවණතාවට පටහැනි වන අතර, ජාත්‍යන්තර ප්‍රජාව විසින් පුළුල් ලෙස විරුද්ධ වී තිබෙනවා" එහි වැඩිදුරටත් සඳහන්ව තිබුණි.
ඇමෙරිකානු පන්නයේ ප්‍රජාතන්ත්‍රවාදය අක්‍රීයයි
එක්සත් ජනපදය "ප්‍රජාතන්ත්‍රවාදයේ පහනක්" නොවන බවත්, ඇමෙරිකානු ආකාරයේ ප්‍රජාතන්ත්‍රවාදය ප්‍රජාතන්ත්‍රවාදයේ හරයෙන් බැහැර වී ඇති බවත් ප්‍රකාශකයා පැවසීය.
මුදල් දේශපාලනය, අනන්‍යතා දේශපාලනය, පක්ෂග්‍රාහීත්වය, දේශපාලන ධ්‍රැවීකරණය, සමාජ බෙදීම, වාර්ගික ආතතිය සහ ධන පරතරය වැනි ගැටලු ඇමෙරිකානු පන්නයේ ප්‍රජාතන්ත්‍රවාදය තුළ වඩාත් නරක අතට හැරෙමින් පවතින බව ප්‍රකාශකයා පැවසීය.
එය "ධනවතුන් සඳහා මුදල් මත පදනම් වූ ක්‍රීඩාවක්" ලෙස හඳුන්වමින්, ප්‍රකාශකයා පැවසුවේ ඇමෙරිකානු කොංග්‍රස් මැතිවරණවලින් 91%ක්ම වැඩි මූල්‍ය ආධාර ඇති අපේක්ෂකයන් විසින් ජයග්‍රහණය කරන බවයි.
"එය නමින් 'එක් පුද්ගලයෙක් එක ඡන්දයක්', නමුත් යථාර්ථයේදී 'සුළුතර ප්‍රභූ පාලනයක්" යැයි ප්‍රකාශකයා පැවසුවේ, සාමාන්‍ය ජනතාව තමන්ට ඡන්දය අවශ්‍ය වූ විට පොළඹවන නමුත්, මැතිවරණය අවසන් වූ පසු නොසලකා හරින බවයි.
2021 ජනවාරි 6 වැනි දින එක්සත් ජනපදයේ වොෂින්ටනයේ කැපිටල් හිල් හි ට්‍රම්ප් හිතවාදී කැරලිකරුවන් පොලිස් සීමාව බිඳ දැමූ කැපිටල් කෝලාහලය, ජෝර්ජ් ෆ්ලොයිඩ්ගේ මරණය, කොවිඩ්-19 වසංගතය ඛේදජනක ලෙස හසුරුවා ගැනීම සහ ධනවතුන් සහ දුප්පතුන් අතර පරතරය පුළුල් වීම යන සියල්ල ඇමෙරිකානු විලාසිතාවේ ප්‍රජාතන්ත්‍රවාදයේ අක්‍රීය බව යැයි කී ප්‍රකාශකයා, එය හැඳින්වූයේ “සත්‍යය වසන් කළ නොහැකියි." යනුවෙනි.
එක්සත් ජනපදයට අන් අයගේ කටයුතුවලට මැදිහත් වීමට ප්‍රජාතන්ත්‍රවාදය සමූහ ඝාතක අවියක් කරගෙන
එක්සත් ජනපදය එහි දේශපාලන ක්‍රමය සහ වටිනාකම් අන් අය මත පටවමින්, "ප්‍රජාතන්ත්‍රවාදී ප්‍රතිසංස්කරණ" සඳහා තල්ලු කරමින්, ඒකපාර්ශ්වික සම්බාධක අනිසි ලෙස භාවිත කරමින් සහ විනාශකාරී ප්‍රතිවිපාක ඇති කර ඇති "වර්ගවාදී විප්ලව" උසිගන්වමින් සිටින බව ප්‍රකාශකයා පැවසීය.
"ප්‍රජාතන්ත්‍රවාදය වෙනත් රටවල කටයුතුවලට ඇඟිලි ගැසීමට එක්සත් ජනපදය විසින් භාවිත කරන 'සමූල ඝාතක අවියක්' බවට පත්ව තිබෙනවා" ප්‍රකාශකයා සඳහන් කළේය.
21 වැනි සියවසේදී තවමත් ගෝලීය ආධිපත්‍යය සොයන, වෙනත් රටවලට බල කරමින් සහ නීති රීති කඩ කරමින් සිටින එක් රටක් තිබේ නම්, එය එක්සත් ජනපදය විය යුතු බව චීන විදේශ අමාත්‍යාංශයේ ප්‍රකාශකයා වැඩිදුරටත් අවධාරණය කළේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
