ඇමසෝන් ගෝත්‍රික තරුණ දරුවෙකු කොරෝනාවට බිලි

කොවිඩ් -19 සඳහා ධනාත්මක බව පරීක්‍ෂා කළ ඇමසෝන් වනාන්තරය ආශ්‍රිතව දිවිගෙවන හුදකලා ගෝත්‍රයක යෞවනයෙකු මියයෑමත් සමග, කලාපයේ ආදිවාසීන් කෙරෙහි නව කොරෝනා වෛරසයේ බලපෑම පිළිබඳව දැඩි අවධානයක් යොමුව තිබේ.

බ්‍රසීලයේ ඇමසෝන් වනාන්තරය ආශ්‍රිත රෙහෙබේ ගම්මානයේ යානෝමාමි නමැති 15 හැවිරිදි පිරිමි දරුවා බ්‍රහස්පතින්දා මිය ගිය බව බ්‍රසීලයේ සෞඛ්‍ය අමාත්‍යාංශය පවසයි.

ඔහු අපේ‍්‍රල් 3දා සිට රොරයිමා ප‍්‍රාන්තයේ අගනුවර වන බෝවා විස්ටා හි රෝරයිමා මහ රෝහලේ දැඩි සත්කාර ඒකකයේ ප්‍රතිකාර ලබමින් සිට ඇත.

බ‍්‍රහස්පතින්දා පැවති මාධ්‍ය හමුවකදී කොවිඩ් -19 සඳහා මෙම දරුවා ධනාත්මක බව පරීක්‍ෂා කළ බව බ්‍රසීලයේ සෞඛ්‍ය අමාත්‍යවරයා පැවසීය.