ලාෆ්ස් ගෑස් හිඟයක් නෑ

ලාෆ්ස් ගෑස් හිඟයක් ගැන කිසිදු අනියත බියක් ඇතිකර ගත යුතු නැති අතර, දිවයින පුරා සිටින පාරිභෝගිකයන්ට හිඟයකින් තොරව ගෑස් මිලදී ගැනීමට හැකිවන පරිදි තම බෙදාහැරීම් කටයුතු සිදුකරන බවත්, පසුගිය සති කිහිපය පුරාම ප්‍රමාණවත් ගෑස් තොග මෙරටට ආනයනය කර ඇති බවත් ලාෆ්ස් ගෑස් සමාගම පවසයි.

එසේම, හෝටල් සහ කර්මාන්ත ශාලා සඳහා අවශ්‍ය එල්.පී. ගෑස් තොගද සමාගම සතුව ප්‍රමාණවත්ව ඇති බවත්, වාණිජ සහ නිෂ්පාදන ව්‍යාපාර සඳහා ගෑස් නිකුත් කිරීමද කිසිදු ප්‍රමාදයකින් තොරව සිදුකෙරෙන බවත් එම සමාගම වැඩිදුරටත් නිවේදනය කර සිටියි.