පෝර්ට් සිටි නීති රෙගුලාසි අයත් ගැසට් පත්‍රය ලැබෙයි
කොළඹ පොර්ට් සිටි ව්‍යාපෘතියට අදාළ නීතිරීති රෙගුලාසිය ඇතුළත් ගැසට් පත්‍රය ආයෝජන ප්‍රවර්ධන අමාත්‍යාංශයට ලැබී තිබේ.
මේ වනවිට පෝට් සිටි ව්‍යාපෘතියේ යටිතල පහසුකම් සංවර්ධනය අවසාන අදියරේ පවතී. ව්‍යාපෘතිය සඳහා අවශ්‍ය නීතිරීති හා අණපනත් හඳුන්වාදීමත් සමඟ ආයෝජකයන්ට තම ව්‍යාපෘති ක්‍රියාත්මක කළ හැක. ගිවිසුම් ගත වී සිටින ආයෝජකයින්ට කඩිනමින් තම ව්‍යාපෘති ආරම්භ කිරීමට ද මෙය අවස්ථාව වේ.
රාජ්‍ය අමාත්‍ය දිලුම් අමුණුගම මහතා මෙම අදහස් පළ කළේ පසුගියදා පෝර්ට් සිටි ව්‍යාපෘතිය නිරීක්ෂණ චාරිකාවට එක්වෙමිණි.
මෙහිදී තවදුරටත් අදහස් දැක්වූ රාජ්‍ය අමාත්‍යවරයාමේ වන විට ලොව පුරා ඉහළ පෙළේ බොහෝ ආයෝජකයන් පෝට් සිටි ව්‍යාපෘතිය පිළිබඳ අවධානය යොමු කර ඇතැයි ද, එය අනාගතයේදී තවත් සිංගප්පූරුවක් ඩුබායි නගරයක් වැනි වානිජ මධ්‍යස්ථානයක් වනු ඇතැයිද පැවසීය.
මෙරටට සෘජු විදේශ ආයෝජන අවශ්‍යම අවස්ථාවක ශ්‍රී ලංකා ආයෝජන මණ්ඩලය හා එක්ව ආයෝජක දිරි ගැන්වීමේ වැඩ සටහනක් හදුන්වා දී තිබේ. මෙතෙක් විවිධ ආයතන වෙත ගොස් අදාල අනුමැතීන් ලබා ගත් ආයෝජකයින්ට මින් පසු එම කටයුතු ශ්‍රි ලංකා ආයෝජන මණ්ඩලයේ නිළධාරීන්ගේ මැදිහත් වීම මත සිදු කරන බවත්, කඩිනම් සේවයක් ලබා දීමට ශ්‍රි ලංකා ආයෝජන මණ්ඩලය කැප වී ඇති බවත් රාජ්‍ය අමාත්‍යවරයා පැවසීය.
මෙම අවස්ථාවට ශ්‍රි ලංකා ආයෝජන මණ්ඩලයේ සභාපති හා පොර්ට් සිටි ව්‍යාපෘතියේ විධායක ව්‍යාපෘති කළමණාකාර අධ්‍යක්ෂ රාජා එදිරිසූරිය, ශ්‍රි ලංකා ආයෝජන මණ්ඩලයේ අධ්‍යක්ෂ ජනරාල් රේණුකා එම් වීරකෝන් , කොළඹ පෝර්ට් සිටි ආර්ථික කොමිසමේ වැඩ බලන අධ්‍යක්ෂ ජනරාල් ආචාර්ය ප්‍රියත්බන්දු වික්‍රම යන මහත්ම මහත්මීන් ඇතුළු නිළධාරීන් රැසක් සහභාගි වූහ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
