කොටස් වෙළෙඳපොළ අද දිනයේදීත් වසා දැමෙයි

කොළඹ කොටස් වෙළෙඳපොළ (CSE) සුමට හා සාධාරණ කොටස් වෙළෙඳපොළ මෙහෙයුම් සක්‍රීය කිරීම සඳහා අවශ්‍ය කොන්දේසි පැවතීම අඛණ්ඩව අධීක්ෂණය කරමින් සිටියි.

තත්‍ය කාලීන දළ පියවීම් (RTGS) අන්තර් බැංකු ගෙවීම් ක්‍රමය අද (11දා) ක්‍රියාත්මක වන අතර, බැංකු තම ගනුදෙනුකරුවන්ට සාමාන්‍ය බැංකු කටයුතු සඳහා වසා තබන බව දන්වා ඇත.

මේ සම්බන්ධයෙන්, සහ කොටස් වෙළෙඳපොළට සම්බන්ධ වූ විශාල පිරිසක් වෙළෙඳ පහසුකම් සඳහා බැංකු ප්‍රවේශය අවශ්‍ය වීම හේතුවෙන්, ශ්‍රී ලංකා සුරැකුම්පත් හා විනිමය කොමිෂන් සභාව (SEC) සමග සාකච්ඡා කර, කොළඹ කොටස් වෙළෙඳපොළ අකමැත්තෙන් වුවද වසා තැබීමට තීරණය කර ඇත.

එහිදී, සියලුම ක්‍රියාකාරකම් සුමටව ක්‍රියාත්මක වීමට කොන්දේසි හිතකර වූ වහාම වෙළෙඳපොළ මෙහෙයුම් නැවත විවෘත කිරීමට කොළඹ කොටස් වෙළෙඳපොළ සූදානමින් සිටියි.