2025දී වෙඩි තැබීමේ සිද්ධි 17ක්

මේ වසරේ ගෙවීගිය කාලය තුළදී වෙඩි තැබීම් සිද්ධීන් දාහතක් වාර්තා වී තිබෙන අතර, මින් සිදුවීම් 11ක් සංවිධානාත්මක අපරාධකරුවන් විසින් සිදු කළ වෙඩි තැබීම් බව පොලීසිය සඳහන් කරයි.

ඉතිරි සිද්ධීන් හය පුද්ගලික ආරවුල් මත සිදු වූ වෙඩි තබා ගැනීම් වන අතර, පොදුවේ සියලුම් වෙඩි තැබීම් සිද්ධීන් සම්බන්යෙන් මේ වන විට සැකකරුවන් හතළිස් නවයක් අත්අඩංගුවට ගෙන තිබේ.

මෙම වෙඩි තැබීම් සඳහා භාවිත කළ ටී පනස් හය ගිනිඅවියක්, පිස්තෝල ගිනිඅවි දෙකක් පොලිස් භාරයට ගෙන ඇත.

මීට අමතරව මෙම කාලසීමාව තුළ සිදු කළ මෙහෙයුම්වලදී ටී පනස් හය ගිනිඅවි හතරක් හා පිස්තෝල ගිනිඅවි හතරක් අත්අඩංගුවට ගෙන තිබේ.