2023දී ශ්‍රී ලංකා ආර්ථිකය අවපාතයක

රුපියල කඩාවැටීම සහ ආනයනය තියුණු ලෙස හැකිලෙන අතර විදේශ ණය ගෙවීම සඳහා ආහාර සහ ඉන්ධන ආනයනය ආවරණය කිරීම සඳහා රජයට අවශ්‍ය විදේශ විනිමය අවසන් වීම නිසා ශ්‍රී ලංකාවේ නිෂ්පාදනය 2022 දී සියයට 9.2 කින් පහත වැටී ඇතැයි ගණන් බලා ඇති බව ලෝක බැංකුව පවසයි.

ශ්‍රී ලංකාවේ පවතින ආර්ථික අර්බුදය හේතුවෙන් රට තුළ දරිද්‍රතාවය වැඩි වී ඇති බවද එම ආයතනය පවසයි.  දකුණු ආසියානු කලාපය සඳහා ලෝක බැංකුවේ ඉදිරි දැක්ම පෙන්වා දෙන්නේ ශ්‍රී ලංකාවේ නිෂ්පාදනය මේ වසරේදී නැවතත් සියයට 4.2 කින් හැකිලෙනු ඇති බවයි.