හදිසි ආපදා දන්වන්න 24 පැයේ විශේෂ පොලිස් මෙහෙයුම් මැදිරියක් අරඹයි

දිවයිනට බලපා ඇති අයහපත් කාලගුණයෙන් ඇතිවන විවිධ  හදිසි ආපදා තත්ත්වයන් පිළිබඳව වාර්තා කිරීමට හා අවශ්‍ය සම්බන්ධීකරණ කටයුතු කිරීම වෙනුවෙන්ම  විශේෂ පොලිස් මෙහෙයුම් මැදිරියක් ස්ථාපිත කර ඇතැයි පොලිස් මූලස්ථානය නිවේදනය කරයි.

පැය 24 පුරාම ආවරණය වන පරිදි පොලිස් මූලස්ථානයේ ස්ථාපිත කර  ඇති මෙම මෙහෙයුම් මැදිරිය හා   ජනතාවට  සම්බන්ධවීමට දුරකථන අංක හතරක් සහ විද්‍යුත් තැපැල් ලිපිනයක්ද හඳුන්වා දී තිබේ.

ඒ අනුව හදිසි ආපදා තත්වයන් ,අවතැන්වීම් සහ පොලීසියේ  සහය ලබා ගැනීම් ඇතුළු තොරතුරු මෙම මෙහෙයුම් මැදිරියට දුරකථන අංක 0112027148 ,0112472757, 0112430912, සහ 0112013051 මගින් හෝ [email protected] විද්‍යුත් තැපැල් ලිපිනය මගින් දැන්විය හැකි බව පොලිස් මාධ්‍ය  කොට්ඨාසය පවසයි.

ජේ. ඉඳුරුවගේ