සෞදියේ සේවයට ගිය කතුන් 4ක් බේරා ගන්නැයි ඉල්ලීමක්

ගෘහ සේවය සඳහා මෙරටින් සෞදි අරාබියාවට ගිය කාන්තාවන් සිව් දෙනෙකුට සෞදි අරාබියාවේ රියාද් හී නිවාසයක රඳවා මාස ගණනාවක් රැඳී සිටියද එම අයට විවිධ හිරිහැර බාධා කරදර සිදුවන බව එම කාන්තාවෝ පවසති.

එක කාන්තාවක් සඟවාගෙන සිටි  දුරකථනයක් හරහා ඔවුන් තමන් මුහුණ දෙන අමිහිරි අත්දැකීම් පිළිබඳව මෙරට මාධ්‍ය වෙත   තොරතුරු ඒවා තිබේ.

මෙම කාන්තාවන් කොළඹ සහ කුරුණෑගල ප්‍රදේශවල පිහිටි පෞද්ගලික විදේශ රැකියා ආයතනවලින් විදේශගත වූ බව කියයි.

නිසි ලෙස ආහාරපාන නොමැතිවීම වැටුප් අහිමිවීම විවිධ හිරිහැර වලට ලක්වීමෙන් රැකියාව අහිමිවීම ඇතුළු කරුණු රැසක් නිසාවෙන් මෙම කාන්තාවන් නිවෙස් වල සිට රැකියා නියෝජිත ආයතනයක සෞදියේ රියාද් හි  මහල් නිවාසයකට ගෙනවිත්දමා තිබෙන බව ඔවුන් පවසයි.

මෙම ස්ථානයේ වෙනත් රටවල් වලින් ගෙනත් දැමූ විශාල ගෘහ සේවිකාවන් පිරිසක් ද රැඳී සිටින බව පවසන මෙම ශ්‍රී ලාංකික ගෘහ සේවිකාවන් ඔවුන් ද එම ස්ථානයෙන් මුදවා ගන්නා ලෙස ඉල්ලීමක්ද කර සිටි.

ආර්ථික දුෂ්කරතාවයන් නිසා විදේශගත වූ බවත් එහෙත් පෞද්ගලික රැකියා නියෝජිත ආයතනවලින්  සිදු කරන  අමානුශීය ක්‍රියාකලාපයන් පිළිබඳව කොතෙක් දැනුවත් කළද ඉන් කිසිදු පලක් නොවන බවද පවසන ඔවුන් මේ වන විට තම නිවෙස් වලට පවා දුරකථන ඇමතුමක් ලබාගෙන තමන් විඳින දුක සහ අත්ව ඇති ඉරණම පිළිබඳව දැනුවත් කිරීමට නොහැකිව සිටින බවද පෙන්වා දෙන ලදී.

මෙම ශ්‍රී ලාංකික ගෘහ සේවිකාවන්ගේ එකම ඉල්ලීම් බවට පත්වන්නේ ශ්‍රී ලංකා රජය මැදිහත්ව  තමන්ව බේරාගන්නා ලෙසය . 

එක් කන්තවාකගේ දුරකථන අංකය +966 55 126 7477