සුලඟට ගසා ගිය ශිෂ්‍යත්ව වැඩසටහන

ගාල්ල සමනළ ක්‍රිඩාංගනයේ දි අද (15) පෙරවරුවේ දි පැවැත්විමට නියමිතව තිබු  ගාල්ල දිස්ත්‍රික්  ජනාධිපති ශිෂ්‍යත්ව ප්‍රදාන වැඩසටහන සදහා ඉදිකර තිබු වේදිකා, කුඩාරම්, විදුලි උපකරණ සියල්ල අද අළුයම් කාලයේ දි ඇතිවු  දැඩි සුළං තත්ත්වයක් හේතුවෙන්  දැඩි හානියට  පත්ව ඇත.

 ගාල්ල දිස්ත්‍රික්කයේ  පාසල් ළමුන් 3700 කට ආසන්න පිරිසකට  ශිෂ්‍යත්ව ප්‍රදානය කිරිමට  නියමිතව තිබුණි. දකුණු පළාත් ආණ්ඩුකාර ලක්ෂමන් යාපා අබේවර්ධන මහතාගේ ප්‍රධානත්වයෙන් සහ ගාල්ල දිස්ත්‍රික්කයේ මැති ඇමතිවරුන්ගේ ප්‍රධානත්වයෙන් මෙම උත්සවය පැවැත්විමට නියමිතව තිබුණි.

  ඉදිකොට තිබු වේදිකා කුඩාරම් වලට හානි සිදුවිම නිසා අද දින පැවැත්විමට නියමිතව තිබු ශිෂ්‍යත්ව ප්‍රදානය කිරිමේ වැඩසටහන අවලංගු කොට ඇත. ශිෂ්‍යත්ව ලබා ගැනිම සදහා දෙමව්පියන් සමග පැමිණි පාසල් සිසුන්  ආපසු හැරිගියහ. ( I J )

රවින්ද්‍ර ශ්‍රීලාල්