සිනි ඉඩම් අක්කර 11000ක මාස හයකට වගාවට දෙයි

වගා නොකළ ඉඩම් වගා කිරීමට යොමු කිරීමේ රජයේ ප්‍රතිපත්තියට අනුව කන්තලේ සීනි කම්හල සතු ඉඩම් අක්කර 11000 ක් මාස හයක කාලයක් සඳහා වගා කටයුතුවලට ගොවීන් 1317 කට ලබාදෙමින් ඉඩම්වලට ප්‍රවිෂ්ඨවීමේ අවසර පත්‍ර ප්‍රධානය  නැගෙනහිර ආණ්ඩුකාර මහාචාර්ය ජයන්ත ලාල් රත්නසේකර හා විදේශ කටයුතු හා විදේශ රැකියා නියෝජ්‍ය අමාත්‍ය අරුන් හේමචන්ද්‍රා යන මහත්වරුන්ගේ ප්‍රධානත්වයෙන් කන්තලේ  නගර ශාලාවේදී සිදු කෙරිණි .

2024 ඔක්තෝබර් මස 10 වන දින ජනාධිපති අනුර කුමාර දිසානායක මහතා විසින් ගත් තීරණයක් අනුව ඌණ උපයෝජිතව පවතින සීනි කම්හලේ අක්කර 11000 ක් මෙලෙස කෙටි කාලීන භෝග වගාව සඳහා මුදා හැරීමට කටයුතු කළ බව ත්‍රිකුණාමලය දිසාපති ඩබ්.ජී.මහේෂ් හේමන්ත කුමාර මහතා පැවසීය .

මේ අනුව වගාකරුවන් 2491ක් ඉඩම් සඳහා අයදුම් කර තිබූ අතර දින දහයක් පුරා පැවති සුදුස්සන් තේරීමේ පරීක්ෂණවලින් තෝරාගත් 1317 දෙනෙකුට වාර්ෂික අවසර පත්‍රයක් හා ඉඩම් වලට ප්‍රවිශ්ඨ වීමේ අවසර පත්‍රයක්  නිකුත් කිරීම මෙහිදී සිදුවිය . මෙම අවසර පත්‍ර ප්‍රධානය කිරීමේ අවස්ථාවට ත්‍රිකුණාමලය දිස්ත්‍රික් පාර්ලිමේන්තු මන්ත්‍රී රොෂාන් අක්මීමන මහතා ද එක් විය.

ත්‍රිකුණාමලය චමෝද්‍යා