සිංගප්පූරුවෙන් ආනයනික භාණ්ඩ වල බදු අඩු කෙරේ

මාර්තු මස 29 වන දින සිට ක්‍රියාත්මක වන පරිදි ‍ශ්‍රී ලංකා - සිංගප්පූරු නිදහස් වෙළෙඳ ගිවිසුම යටතේ ආනයනය කරනු ලබන භාණ්ඩ රැසක වරාය සහ ගුවන්තොටුපොළ සංවර්ධන බද්ද හෙවත් "පැල්"  සියයට 10ක් වූ  බද්ද සියයට 6 දක්වා අඩු කිරීමට පියවර ගෙන ඇති බව මුදල් අමාත්‍යංශය සඳහන් කළේය.

ඒ අනුව‍  ආනයනය කරනු ලබන සිමෙන්ති, ඇපල් ඇතුළු පලතුරු වර්ග කිහිපයක්, සහ ළදරු කිරි ආහාර  පාසල් උපකරණ, ලිපි ද්‍රව්‍ය, රෙදිපිළි සඳහා වන අමුද්‍රව්‍ය, වාහන අමතර කොටස්, යතුරුපැදි සහ පාපැදි අමතර කොටස් සඳහා ද වරාය සහ ගුවන්තොටුපොළ සංවර්ධන බද්ද ද සියයට 10 සිට සියයට 6 දක්වා අඩුකර ඇති බව වාර්තා වෙයි.

මීට අමතරව  ප්ලාස්ටික්, ඇලුමිනියම් සහ ලී භාණ්ඩ, ඖෂධ වර්ග, ශල්‍ය උපකරණ, විද්‍යුත් උපකරණ, නාන කාමර උපකරණ,  සඳහා අයකරනු ලබන බදු ද සංශෝධනය කිරීමටද පියවර ගෙන තිබේ.