සංවිධානාත්මක අපරාධකරුවන්ට අනුබල දුන් දෙකක් අල්ලයි

ඩුබායි රාජ්‍යයට පලාගොස් සිටින මෙරට ප්‍රධාන පෙලේ මත්ද්‍රව්‍ය ජාවාරම් හා සංවිධානාත්මක අපරාධකරුවකු විසින් ලබාදෙනු ලබන උපදෙස් මත ගල්කිස්ස පොලිස් කොට්ඨාශයතුල මනුෂ්‍ය ඝාතන සදහා සොරාගත් යතුරුපැදි ව්‍යාජ අංක තහඩු හා ලියකියවිලි සකසා ලබාදෙනු ලබන පුද්ගලයින් දෙදෙනකු සොරාගත් යතුරු පැදියක් හා හෙරෝයින් ග්‍රෑම් 15 ක් ,ව්‍යාජ අංක තහඩු හයක්,ආදායම් බලපත්‍ර තුනක්,  රක්ෂණ සහතික තුනක් ,ජංගම දුරකථනයක්,  යතුරු පැදියක්  සමග ගල්කිස්ස කොට්ඨාශ අපරාධ විමර්ශන කාර්යාංශය මගින් අත්අඩංගුවට ගෙන ඇතැයි.පොලීසිය පැවසීය. 

සැකකරුවන් මොරටුව එගොඩ උයන ,ශාන්ත රීටාපාර, පදිංචිව සිටින වයස අවුරුදු 33 -43 ත් වනුද ලබයි. 

ගල්කිස්ස කොට්ඨාශ අපරාධ විමර්ශන කාර්යාංශය ස්ථානාධිපති පොලිස් පරීක්ෂක නාලක අලහකෝන් මහතා වෙත ලද තොරතුරකට අනුව මොරටුව ශාන්ත රීටාපාරදී එගොඩ උයන පදිංචිව සිටින ප්‍රධාන සැකකරු අත්අඩංගුවට ගෙන ගල්කිස්ස අධිකරණය.වෙත ඉදිරිපත්කර ලබාගත් සත්දින රැඳවුම් නියෝග මත සිදුකල විමර්ශනයට අනුව විදේශගතව සිටින මත්ද්‍රව්‍ය ජාවාරම් කරුවකු හා සංවිධානාත්මක අපරාධ කරුවකුගේ උපදෙස්මත දිවයින පුරා ක්‍රියාත්මක විවිධ අපරාධ සඳහා යතුරුපැදි සොරාගන කටුකුරුන්ද ප්‍රදේශයේ තවත් පුද්ගලයෙකුගේ සහාය ලබා ව්‍යාජ අංක තහඩු සවිකර ලබාදෙනු ලබන බවට අනාවරණයවී ඇතැයිද පොලීසිය පැවසීය. 

ඒ අනුව කොටහේන ජංගම දුරකථන අලෙවි සැල් හිමිකරු ඉකුත් 21 වනදින ඝාතනයට යොදාගත් යතුරු පැදියද ලබාදී ඇත්තේද මෙම පුද්ගලයින් දෙදෙනා බවට අනාවරණයවී ඇතැයිද, එම යතුරු පැදියද ඉකුත් 14.වනදින මාලඹේ පොලිස් වසමෙන් සොරාගන ව්‍යාජ අංක තහඩු සවිකර පානදුර උතූර පොලිස් වසමට ගෙන ගොස් වලාන හන්දිය ප්‍රදේශයේදී මට්ටක්කුලිය සිට යතුරු පැදියකින් පැමිණි පුද්ගලයින් දෙදෙනකු වෙත භාරදී ඇති බවට අනාවරණය වීඇතැයිද පොලීසිය පැවසීය .