වෙඩි තබා ඝාතනය කළ තරුණයකුගේ මළ සිරුරක් පොල් ඉඩමක

වෙඩි තබා ඝාතනය කර තිබූ තරුණයෙකු ගේ මළසිරුරක් ඊයේ (18) රාත්‍රි 8 ට පමණ තංගල්ල නලගම පොල්තවාන හංදියේ පොල් ඉඩමක තිබී සොයාගත් බව තංගල්ල මූලස්ථාන පොලිසිය පවසයි . 

මෙලෙස මරා දමා ඇත්තේ දේශාන් එරන්ද නමැති 33 හැවිරිදි  ගව හිමියකු වන බවත්ඔහු තංගල්ල නලගම පදිංචි අවිවාහක පුද්ගලයෙකු බව පොලීසිය පවසයි. 
මෙම තරුණයා ගවයින් බැදීමට ගිය පසු නිවසට නොපැමිණීම නිසා පවුලේ අය සොයා බැලීමේදී වෙඩි තබා ඝාතනය කළ ඔහුගේ සිරුර හමුවී ඇතැයි පොලිසිය පැවසීය 

මළසිරුර තංගල්ල මූලික රෝහලට රැගෙන විත් තිබූ අතර තංගල්ල පොලිසිය සිද්ධිය සම්බන්ධ වැඩිදුර විමර්ශන සිදුකරනු ලබයි.

බෙලිඅත්ත - කවීෂා ගරුසිංහ