විදුලි බල මණ්ඩලයේ අය තවත් රුපියල් මිලියන 245ක් ප්‍රසාද මුදල් ගෙවා ගත් හැටි එළියට

විදුලි බල සැපයුමේ විශ්වාසනීයත්වය වැඩිදියුණු කිරීමේ සහායක ව්‍යාපෘතියේ අරමුදල් භාවිත කරමින් ව්‍යාපෘති කාර්යමණ්ඩලය සඳහා ප්‍රසාද දීමනා වශයෙන් රුපියල් මිලියන 245ක මුදලක් ගෙවා ඇති බව ජාතික විගණන කාර්යාලය මගින් 2024-03-16 දින නිකුත් කර ඇති නවතම විගණන වාර්තාවක සඳහන් වේ. 

චක්‍ර ලේඛනවලට පටහැණිව 2022 ජූලි මස 01වනදා සිට 2023 දෙසැම්බර් 31 දක්වා මෙකී මුදල ගෙවා ඇති බවද විගණනය මගින් අනාවරණය කර ඇත. විදේශ අරමුදල් සහිත ව්‍යාපෘති සඳහා අදාළ චක්‍රලේඛ උපදෙස් දැඩි ලෙස පිළිපැදිය යුතු බවද විගණනය මගින්  අනාවරණය කර ඇත.

විදේශ අරමුදල් සහිත ව්‍යාපෘති 48ක් සඳහා අදාළ චක්‍රලේඛ උපදෙස් දැඩි ලෙස පිළිපැදිය යුතු බවද අනාවරණය කර ඇත. මේ පිළිබඳව විදුලිබල සැපයුම් ව්‍යාපෘතියේ කළමනාකාරීත්වයේවිදුලිබල මණ්ඩලයේ ව්‍යාපෘති කළමනාකරුවිසින් විගණනයට සඳහන් කර ඇත්තේ, මෙය ලංකා විදුලිබල මණ්ඩලයේ ප්‍රතිපත්තියට සහ සියලුම ලංකා විදුලිබල මණ්ඩල සේවකයන්ට අදාළ වාර්තා මාර්ගෝපදේශකයන්ට අදාළව සිදු කොට ඇති බවයි.