වාර්ෂිකව පුද්ගලයන් මිලියන 58ක් බාහිර රෝගී අංශයට ඇවිත්

මෙරටෙහි වාර්ෂිකව පුද්ගලයන් මිලියන 58ක් පමණ රජයේ රෝහල් බාහිර රෝගී අංශ වෙත පැමිණෙන බවට ප්‍රජා වෛද්‍යා විශේෂඥවරුන්ගේ සංගමය පෙන්වා දෙයි.

එහි සභාපති, විශේෂඥ වෛද්‍ය කපිල ජයරත්න මහතා සඳහන් කර සිටියේ පුද්ගලයන් මිලියන 03ක් පමණ රජයේ රෝහල් සායනවලින් ප්‍රතිකාර ලබා ගන්නා බවයි.එසේම පුද්ගලයන් මිලියන 07ක් පමණ ප්‍රතිකාර සඳහා රෝහල්ගත වන බවද ඔහු පැවසීය.

ඒ මහතා වැඩිදුරටත් පෙන්වා දුන්නේ ශ්‍රී ලංකාවේ පුද්ගල ආයු අපේක්ෂාව මේ වන විට ස්ත්‍රී අවුරුදු 80ක් සහ පිරිමි අවුරුදු 73ක් පමණ වන අතර වැඩිහිටි කාණ්ඩයේ සංඛ්‍යාව ඉහළ යමින් පවතින බවයි.