වසර 80කදී කෞතුක භාණ්ඩ 7157ක් අස්ථානගත වෙලා

මෙරටට නිදහස ලැබීමටත් පෙර 1877 සිට 1957 වර්ෂය දක්වා ඉකුත් වසර 80 ක කාලය තුළ දී කෞතුක භාණ්ඩ වර්ග 07කට අයත් භාණ්ඩ 7157 ක් අස්ථාන ගත වී ඇති බව ජාතික විගණන කාර්යාලය මගින් ජුනි මස 14 වන දින වතම විගණන වාර්තාවක සඳහන්වේ.

2023 මැයි මාසයට අදාළ ව සිදු කරනු ලැබූ කෞතුක භාණ්ඩ සමීක්ෂණ වාර්තාවට අනුව 1877 සිට 1957 වර්ෂය දක්වා කාලය තුළ දී මෙකී කෞතික භාණ්ඩ ස්ථාන ගත වී ඇති බව විගණනය මගින් අනාවරණය කොට ඇත.

මෙකී කෞතුක භාණ්ඩ අස්ථාන ගත වීම සම්බන්ධයෙන් මුදල් රෙගුලාසි ප්‍රකාරව රජය විසින් කටයුතු කර නොමැති බව විගණනය මගින් අනාවරණය කර ඇත.

එමෙන් ම කෞතුක භාණ්ඩ භාරකාරීත්වය, ආරක්ෂා කිරීම සහ ඒවාට අදාළ ලිපි ගොනු විධිමත්ව  පවත්වා ගෙන නොගැනීම නිලධාරීන් වෙනස් වීමේ දී (වෙනත් ස්ථානවලට මාරු කිරීමේ දී) භාණ්ඩ භාකාරීත්වය නිසි පරිදි නොපැවරීම ආදී දෙපාර්තමේන්තුවේ අභ්‍යන්තර  පාලනයේ දුර්වලතා මේ සඳහා හේතු වී ඇති බව විගණනය මගින්  අනාවරණය වී ඇත.

මෙම තොරතුරු අනාවරණය වී ඇත්තේ  ජාතික කෞතුකාගාර දෙපාර්තමේන්තුව මගින් 2023 වර්ෂයට අදාළව නිකුත් කොට ඇති කාර්ය සාධක වාර්තාවේ ඇතුළත් කොට ඇති විගණන වාර්තාව මගින් බව අනාවරණය වී ඇත.  

චන්දන සමරවික්‍රම