රනිල්ට තවදුරටත් එජාප නායකත්වය දෙන්න යෝජනා සම්මතයක්

ගාල්ල දිස්ත්‍රික්කයේ ගාල්ල මැතිවරණ කොට්ඨාසය කේන්ද්‍රකරගත් විශේෂ එජාප ක්‍රියාකාරීන්ගේ හමුවක් පෙරේදා (28) ගාල්ල උළුවිටිකේ එක්සත් ජාතික පක්ෂ ප්‍රධාන කාර්යාලයේදී පැවැති අතර එහිදී හිටපු ජනාධිපති එක්සත් ජාතික පක්ෂ නායක රනිල් වික්‍රමසිංහ මහතා තවදුරටත් එක්සත් ජාතික පක්ෂයේ නායකයා ලෙස කටයුතු කළ යුතු බවට වන යෝජනාවක් සම්මත කර ගනු ලැබුවා.

මෙම හමුවේදී එක්සත් ජාතික පක්ෂයේ ඉදිරි ක්‍රියාමාර්ග පිළිබඳව මෙහිදී දීර්ඝ ලෙස සාකච්ඡා කළ අතර හිටපු පාර්ලිමේන්තු මන්ත්‍රී වජිර අබේවර්ධන, හිටපු අමාත්‍ය මනුෂ නානායක්කාර යන මහත්වරුද මෙම අවස්තාවට එක්ව සිටියහ.

හිනිදුම රවීන්ද්‍ර ශ්‍රීලාල්