මල් වට්ටිය වෙන්දේසියේ දී ලක්ෂ 11කට අලෙවි වෙයි

මල් වට්ටියක් රුපියල් ලක්ෂ  එකොළහකට ගීතයත් රුපියල්   5000 කට පොල් ගෙඩි  හාරදහසක් රුපියල් ලක්ෂ දෙකකට වෙන්දේසියේ  අලවි වූ ඉතා දුර්ලබ අවස්ථාවක් දඹුල්ල කිරලැස්ස ග්‍රාමයෙන් 12 දින අලුයම් කාලය වන විට වාර්තා විය.

 දඹුල්ල කිරලැස්ස පුෂ්පාරාම   විහාරස්ථානයේ ධර්ම ශාලාවකට  ආධාර ලබා ගැනීම සඳහා එහි තරුණ බෞද්ධ සමිතිය දින තුනක කාලයක්   විහාරස්ථානයේ  නාට්‍ය හා සල්පිල් වෙන්දේසි පිංකමක් සංවිධානය කොට තිබිණි.

 මෙම නාට්‍ය මාලාවේ  තුන්වැනි දිනය ඊයේ (11දා) රාත්‍රී විහාරස්ථාන භූමියේ දී මල් වට්ටි වෙන්දේසිය පොල් තොරන වෙන්දේසි කිරීම ආධුනික ගීත ප්‍රසංගය සහ විවිධ භාණ්ඩ වෙන්දේසි කිරීම  නාට්‍ය  සංදර්ශන  අද (12 දා) අලුයම දක්වා සිදු කෙරිණි.

 මුලින්ම ආධුනික ගීත ප්‍රසංගය ආරම්භ කෙරුණු අතර එහිදී පැය හතරක පමණ කාලයක් එක දිගටම එක්  පුද්ගලයෙකු රුපියල් පන්දහසක මුදලක් ලබාදී   එක ගීතයක් ගායනා කිරීම සිදුකෙරිණ.   ලොකු කුඩා පිරිස විනෝද වන්නට විය.

 දෙවනුව පින්කම් මාලාවේ  මල්වට්ටි වෙන්දේසිය ආරම්භ කෙරිණි ,මල්වට්ටි වෙන්දේසිය  ප්‍රවීණ විරිදු හා හිටවන කවි ශිල්පී වයි. එම්.එස්. බණ්ඩාර මහතා විසින් මෙහෙය වන්නට විය.

 අලංකාරව සූදානම් කර තිබූ මල් වට්ටිය පැය 4හතරක පමණ කාලයක් එකිනෙකා අතරේ විවිධ මිල ගණන් යටතේ බුදු පුදට වෙන්දේසියෙ තක්සේරු කරන්නට විරිඳු ගායන ශිල්පියා දැඩි උනන්දුවක්  කරවන්නට    වූ අතර පැමිණ සිටි අති විශාල ජනතාව අතරේ   කණ්ඩායම් බෙදී මල් වට්ටියට  ලන්සු තබන  තරගකාරී  තත්ත්වයට පත් කෙරිණි.

 ඒ අනුව මල් වට්ටිය අවසානයේදී දසලක්ෂ පනස් දහසක  මුදලකට ප්‍රදේශයේ පදිංචි අයියා මලෝ තිදෙනෙකු වන ප්‍රියන්ත බණ්ඩාර . ශාන්ත බණ්ඩාර .පද්ම නිමල් බණ්ඩාර යන තිදෙනා විසින් අවසන් ලංසුව තබා හිමිකර ගැනීම සිදුවිය.

 ලංකා ඉතිහාසයේ පළමු වතාවට මල් වට්ටියක් රුපියල් ලක්ෂ 10 ඉක්මවා වෙන්දේසි වූ පළමු අවස්ථාව මෙය බව ප්‍රවීණ විරිඳු ශිල්පී වයි .එම් .එස්. බණ්ඩාර මහතා සදහන් කළේය.

 එමෙන්ම වැඩසටහන් මෙහෙයවමින් සිටී   නිවේදක එස් .වත්තේගෙදර මහතා තවත් පිරිසක් එක්ව රුපියල් පනස් දහසක මුදලක්  මල් වට්ටියට එකතු  කොට එය ලක්ෂ   11ක තක්සේරුවක් බවට පත්කරමින් අයියා මලෝ තිදෙනා හට මල් වට්ටිය විහාරාධිපති දේවහුවේ සුගුනසාර හිමි අතින් භාර දීමෙන් අනතුරුව පන්සල් භූමියේ පිහිටි බුදු පිළිමයට පූජා කිරීම සිදුවිය.

 මේ අතර ලෙලි සහිත ගෙඩි 4000 කට ආසන්න පොල් තොරණ  වෙන්දේසි කරන්නට සැලසුම් කොට තිබිණි. අලුයම් කාලය වන විට එම පොල් තොරන   රුපියල් දෙලක්ෂ  දස දහසක  මුදලකට වෙන්දෙසියේ අලෙවි විය.

ඩී .එම් .ගාමිණි කුලතුග මහතා ගේ රජරට ස්වර්ණමාලි කලා සංසදය ඉදිරිපත් ඉදිරිපත් කල කරනම් දර්ශන හා නාට්‍ය රග දැක්වීමෙන් නිමාවට පත්විය .

දඹුල්ල කාංචන කුමාර ආරියදාස සහ නාවුල ඉන්දික අරුණ කුමාර