මල්කැකුළ මිය ගියේ රෝහල් කාර්ය මණ්ඩලයේ වරදින්ද?
උණ සෑදී රජයේ රෝහලකට ඇතුළත් කිරීමෙන් පසුව මියගිය වයස අවුරුදු එකයි මාස නවයක් වූ පුංචි දියණියට රෝහලේ නොසැලිකිලිමත් කම නිසා ජීවිතය අහිමි වී තිබෙන බවත් තවත් දරුවෙකුට මෙවැනි ඉරණමක් අත් නොවීමට පරීක්ෂණයක් පවත්වන ලෙස මියගිය දියණියගේ පියා සහ මව ජනාධිපතිවරයාට පාර්ලිමේන්තුවට, මධ්‍යම පළාත් සෞඛ්‍ය අමාත්‍යාංශයට, විෂය භාර අමාත්‍යවරයාට මාතලේ සෞඛ්‍ය අධ්‍යක්ෂකවරයාට මෙන්ම පොලිසියට පැමිණි කොට තිබේ.
මාතලේ ලග්ගල හත්තොටඅමුණ, කන්දෙපිටවල, ගම්මානයේ පදිංචිව සිටින යුද හමුදා සෙබළෙකු වූ සුරංග පුෂ්ප කුමාර මහතා සහ ඔහුගේ බිරිඳ ඩබ්ලිව් ජී . කුමුදුනි රේණුකා රත්නායක දෙපළ මෙම චෝදනාව මාතලේ ලග්ගල ප්‍රාදේශීය රෝහලේ පරිපාලනයට විරුද්ධව චෝදනා කරමින් මෙසේ පැමිණිලි කොට තිබේ
වයස අවුරුදු එකයි මාස නවයක් වූ මාතලේ ලග්ගල කන්දේපිටවල පදිංචි අමීෂා ගිම්හානි දියණිය පසුගිය පහලොස්වන දින උදෑසනක් උණ සහ වමනය යෑම හේතුවෙන් ලග්ගල ප්‍රාදේශීය රෝහලට ඇතුළත් කළ බවත් එදින සිට දින දෙක හමාරකට අධික කාලයක් මිශ්‍රවාට්ටුවක තබාගෙන නිසි ලෙස අවධානයක් යොමු නොකර රඳවා ගෙන සිටි බව මව රේණුකා රත්නායක මහත්මිය චෝදනා කරන්නීය.
තම දියණිය ආහාර නොගැනීම පිළිබඳව මලානිකව හඩා වැටෙන පිළිබඳව සහ අසනීප උග්‍ර බව ට රෝහලේ වෛද්‍ය නිලධාරීනීයට දැනුම් දුන්නද නිසි අවධානයක් යොමු නොකොට උණ සෑදුණු වැඩි මහල් අයටද හාර අරුචිය ඇතිවෙන බව ප්‍රකාශ කරමින් සිටි බවද ඇය චෝදනා කාළාය.
රෝහලේ නේවාසිකව ප්‍රතිකාර ගත්තද නැවත තම දියණිය සමඟ දිනකට පසු වාට්ටු රෝගීන් බැලීමට වෛද්‍ය නිලධාරීනීය නොපැමිණි නිසා බාහිර රෝගී අංශයට පැමිණ වෛද්‍යවරයෙකුට පෙන්නූ බවත් ඇය චෝදනා කරන්නීය.
දින දෙකහමාරකට පසුව ලග්ගල රෝහලේ වෛද්‍ය උපරියකට තමන් කළ ඉල්ලීමකට අනුව නැවත පරීක්ෂා කිරීමේදී දියණියට අසාධ්‍ය බව පවසා දඹුල්ල රෝහලට මාරුකර යැවුණු බවත් දඹුල්ල මූලික රෝහලේ දිනක් ප්‍රතිකාර කොට දියණිය අසාධ්‍ය තත්ත්වයේ පසුවන බව පවසා අනුරාධපුර රෝහලට මාරුකර යැවුණු අතර එහිදී තම දියණිය මියගිය බවත් මරණයට හේතුව අධිකරණ වෛද්‍ය නිලධාරීවරයා විසින් ලබා නොදී එම සිරුරේ කොටස් පරීක්ෂණ සඳහා යොමු කර තිබෙන බව සහ පියා කියයි.
මරණයට හේතුව විවෘත තීන්දුවක් ලබාදී අනුරාධපුර අධිකරණ වෛද්‍ය නිලධාරීවරයා තම දේපල ගෙන්වා උපදෙස් ලබාදුන්නේ දියණියට විජලනය හා ආසාධිත තත්වයන් නිරීක්ෂණය වූ බවට ඉතා සරලව පැහැදිලි කොට පුංචි අමිෂා ගිම්හානි දියණියගේ සිරුර ලග්ගල තම නිවසට ගෙන ඇවිත් භූමදානය කළ බව මෙම දෙපළ කියයි.
ලග්ගල ප්‍රාදේශීය රෝහලෙන් රෝගී තම දියණිය දඹුල්ල රෝහලට මාරු කරන යවන අවස්ථාවේ මූලික ප්‍රතිකාර සටහන් පත්‍රිකා කිසිවක් යවා නැති බවට ද මෙම දෙමව්පියෝ චෝදනා කරති.
මෙම මව පියා ලග්ගල පොලිසියට පැමිණිල්ලක් කරමින් තම දරුවාට සහ තමන්ට සිදුවූ මෙම අසාධාරණය පිළිබඳව පරීක්ෂණයක් පවත්වන ලෙස ඉල්ලා පැමිණිල්ලක් ඉදිරිපත් කොට තිබේ.
ලග්ගල පොලිසියේ ස්ථානාධිපති ප්‍රධාන පොලිස් පරීක්ෂක ඩබ්ලිව් . ඒ. ධර්ම රාජ් මහතාගෙන් විමසීමේදී හැකියා සිටියේ පැමිණිල්ලක් ලැබී තිබෙන බවත් ඒ සඳහා නීති උපදෙස් ලබාගෙන ඉදිරියේදී පරීක්ෂණ කටයුතු ආරම්භ කරන බවය.
කෙසේ වෙතත් මෙම දරුවාගේ පච්චාත් මරණ පරීක්ෂණ වාර්තාව ලැබෙන තුරු පොලිසිය බලාගෙන සිටින බවද පසුව කණ්ඩායම්වලින් ලබාගන්නා තොරතුරු සහ පරීක්ෂණ වාර්තා අධිකරණයට ඉදිරිපත් කිරීමට නියමිත බව එහෙත් එම සඳහන් කළේය.
මියගිය පුංචි අමීෂා ගිම්හානි දැරියගේ සිද්ධියට දෙමව්පියන් නගන චෝදනාව පිළිබඳව ලග්ගල ප්‍රාදේශීය රෝහලෙන් කරුණු විමසීම සඳහා එහි ස්ථාන භාර වෛද්‍ය නිලධාරීන්වරයා සම්බන්ධ කර ගැනීමට ප්‍රාදේශීය රෝහලේ පොදු දුරකථන අංකයට විසි තුන්වන දින උදෑසන ඇමතුම් කීපයක් ලබා ගත්තද එහි රෝහලේ දෙසින් කතා කළ කාන්තාවක රාජ්‍ය සේවයට සුදුසු නොවන ආකාරයට ඔවුන්ගේ පුද්ගලික දුරකථනයකට ලැබුණු ඇමතුමක් හා සමානව කතාකොට කිසිවක් නොකියා දුරකථනය විසන්ධි කිරීම විශේෂත්වයකි.
තමන්ට අවශ්‍යතාවයක් තිබේ නම් රෝහලට පැමිණ සිදුකරගන්නා ලෙස ඇමතුමෙන් කියැවිණි පසුව අප ලග්ගල ප්‍රාදේශීය රෝහල වෙත විසි තුන දින පස්වරුවේ ගොස් කරුණු විමසීම සඳහා උත්සාහ කළ අවස්ථාවේ දී බාහිර රෝගී අංශයේ සිටියේ කාන්තා සේවිකාවන් කිහිප දෙනෙකු පමණි දක්නට ලැබුණු අතර . පසුව එහි රෝහලේ ස්ථාන භාර වෛද්‍ය නිලධාරිනී ජී, කා ර් තිකා මහත්මිය සහ තවත් වෛද්‍යවරියක පැමිණ ජන මාධ්‍යවේදීන් හඳුහඳුනා ගැනීමට ඇයට අවශ්‍ය බවත් ඒ සදහා රජයෙන් නිකුත් කර ඇති ජනමාධ්‍යවේදී හැදුනුම්පත ඉල්ලා සිටියාය, පසුව එහි අනන්‍යතාවය තහවුරු කිරීමෙන් පසු ඇය සඳහන් කළේ තමන්ට මෙම සිද්ධිය පිළිබඳව කිසිවක් ප්‍රකාශ කිරීමට නීතියෙන් අවසර නැති බවය දුරකතනයට ප්‍රතිචාර දැක්වීම පිළිබධව විමසීමේදී ගුණාත්මකභාවයකින් පිළිතුරක් ලබා නොදී සිටි රෝහලේ දුරකතනයේ ලැබෙන ඇමතුම කාගෙන්ද යන්න සටහන් නොවන බවය.
කෙසේ වෙතත් පුන පුනා අප ලග්ගල රෝහලට එල්ල වී ඇති බරපතල චෝදනාව නිසා රෝහලේ පැත්තෙන් ප්‍රකාශ කළ යුතු සිද්ධියත් ඇත්නම් ජනමාධ්‍යවේදීන් ලෙස විමසීම සදාචාරාත්මක බව පෙන්වා දුන්නද පලක් නොවිය.
මෙම දරුවා හලකින් තවත් රෝහලකට මාරුකර යවන අවස්ථාවේ මූලික ප්‍රතිකාර සටහන් පත්‍රිකා නොයවා සිටියේ මන්දැයි එම දෙමව්පියන් ප්‍රශ්න කරන බව සඳහන් කරද්දී ෛවද්‍යවරිය කියා සිටියේ එවැනි සටහන් රෝහලෙන් රෝහලට යැවීමක් සිදු නොවන බවය. ප්‍රවාහන වාර්තා වේ එම සියලු සටහන් එම රෝහලට යැවීම සාමාන්‍ය ක්‍රමවේදය බව ඇය සඳහන් කළාය.
කෙසේ වෙතත් මෙම දියණිය මිය යෑමේ සිද්ධිය මව සහ පියා නගන චෝදනා සඳහා ජනාධිපතිවරයා විසිහත් වන බ්‍රහස්පතින්දා උදෑසන ජනාධිපති කාර්යාලයට පැමිණෙන ලෙස තමන් වෙත දැන්වා ඇතැයි හෙතෙම සඳහන් කළේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
