මන්ත්‍රීවරුන්ට දැන් වාහන ආනයනය කරන්නේ නෑ, රජයෙන් වාහන දෙන්නෙත් නෑ

පෞද්ගලික පරිහරණය වෙනුවෙන් වාහන ආනයනය කිරීමට රජය අවසර දුන්නද මන්ත්‍රීවරුන්ගේ භාවිතය සඳහා වාහන ආනයනය කිරීමට දැන්ම කටයුතු නොකරන බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

මන්ත්‍රීවරුන්ගේ වාහන අවශ්‍යතාව වෙනුවෙන් යම්කිසි පහසුකමක් සකස් කෙරුණු ඇති බවද අමාත්‍යවරයා පැවැසීය. කිසිසේත්ම මන්ත්‍රීවරුන්ට වාහන ආනයන බලපත්‍ර ලබා නොදෙන බවත් ඔහු පැවැසීය.

"මන්ත්‍රීවරයා වැඩ කරන්න ඕන තමයි. නමුත් මේ අවස්ථාවේ අපේ ප්‍රමුඛ කාර්ය වාහනය නෙමෙයි. ප්‍රවාහන  පහසුකම් දරා ගන්න අපි ක්‍රම කිහිපයක් සකස් කරනවා. මන්ත්‍රීවරුන්ට රජයෙන් වාහන දෙන්නේ නෑ "