බස් රථයෙන් පාසල් සිසුන් බැස්සවූ ලංගම කොන්දොස්තරට වැඩ වරදියි

ගිනිගත්හේන සිට හැටන් දක්වා (06) දින පස්වරුවේ ධාවනය වු හැටන් ලංගම ඩිපෝවේ බස් රථයකට ගමන් කිරිමට නැගි පාසල් ළමුන් පිරිසක් යලි බස් රථයෙන් බැස්සවු එම බස් රථයේ කොන්දොස්තරවරයාට එරෙහිව විමර්ෂණයක් සිදු කරන බව හැටන් ලංගම ඩිපෝවේ නිලධාරින් පැවසිය.

පාසල් නිමවිමෙන් පසු ගිනිගත්හේන නගරයේ පැවති බාහිර පන්තියකට සහභාගි වි නිවස කරා යාමට ගිනිගත්හේන කඩවල දක්වා වාර ප්‍රවේශපත්‍ර අතතිව ගමන් කිරිමට එම ලංගම බස් රථයට නැග ඇති ළමුන් පිරිස එම බස් රථයෙන් කොන්දොස්තරවරයා විසින් බස්සවන ආකාරයට ඒ අසල සිටි අයෙකු විසින් පටිගත කර සමාජ මාධ්‍යට මුදා හැර ඇත.

ගිනිගත්හේන සිට හැටන් දක්වා කෙටිදුර ධාවනය වන එම බස් රථයට වාර ප්‍රවේශපත්‍ර අතතිව සිටින කිසිදු පාසල් සිසුවෙකු ප්‍රවාහනය නොකරන බවත්, හැටන් ලංගම ඩිපෝවේ ඇතැම් රියදුරන් සහ කොන්දොස්තරවරුන් වාර ප්‍රවේශපත්‍ර මගින් ගමන් කරන පාසල් ළමුන් සහ මගින්ව බස් රථවලට නංවා නොගන්නා බවට ප්‍රදේශවාසින් චෝදනා කර සිටිති.

මෙම සිදුවිම සම්බන්ධයෙන් අප එම බස් රථයේ කොන්දොස්තර තුසිත අසේල මහතාගෙන් විමසිමට උත්සහ කලද එය ව්‍යාර්ථ විය.