පෙම්වතුන් යුවළක් බිය ගන්නා අල්ලස් ගන්න හැදූ කොස්තාපල් දෙදෙනෙකුගේ වැඩ තහනම්

මුල්ලේරියාව චන්ද්‍රිකා කුමාරතුංග මාවතේදී  පෙම්වතුන් යුවළක් බිය ගන්වා රුපියල් 10000/= අල්ලස් ලබා ගැනීමට තැත් කළ කඩුවෙල පොලිසියට අනුයුක්ත කොස්තාපල්වරු දෙදෙනකුගේ වැඩ තහනම් කළ බව නුගේගොඩ  කොට්ඨාසයේ ජ්‍යෙෂ්ඨ පොලිස් අධිකාරී කාර්යාලය කියයි.

එම නිලධාරීන් දෙදෙනා ඉකුත් 14 වෙනිදින සවස 6  සිට පසු දින 6 දක්වා යතුරු පැදි සංචාරයේ යොදවා සිට ඇති අතර කඩුවෙල පොලිස් වසමෙන් බැහැරව මුල්ලේරියාව පොලිස් වසමේ චන්ද්‍රිකා කුමාරතුංග මාවතේ නවතා තිබූ මෝටර් රථයක් පරික්ෂාවට ලක්කර එහි රියදුරු අසුනේ සිටි තරුණයකු සහ ඊට  යාබද අසුනේ සිටි තරුණියක අශෝබනව හැසිරෙන බවට 119 මධ්‍යස්ථානයෙන් පණිවිඩයක් ලැබී තිබෙන බවට සාවද්‍ය ප්‍රකාශයක් කරමින් ඔවුන් දෙදෙනා බිය ගන්වා රුපියල් 10000/= ක මුදලක්ම අල්ලස් වශයෙන් ලබා ගැනීමට තැත් කර ඇති බවට විමර්ශනවලදී අනාවරණය වී ඇතැයි උසස් පොලිස් නිලධාරියෙක් කීය. ඉහත විෂමාචාර ක්‍රියාව හේතුවෙන් එම නිලධාරින්ගේ වැඩ තහනම සිදුකර ඇත