නෙල්ලිගල වදින්න ආපු බස් රිය ප්‍රපාතයකට අයෙක් මරුට 37කට තුවාල

නෙල්ලිගල ජාත්‍යන්තර ‌‌බෞද්ධ මධ්‍යස්ථානය වැඳපුදා ගැනීමට පැමිණ ආපසු පූඩළුඔය දක්වා ගමන් කරමින් තිබූ බස් රථයක් කොබ්බෑකඩුව යහලතැන්න ප්‍ර දේශයේදී මීටර් 15ක් පමණ වූ බෑවුමකට ගමන් කර ගසක ගැටීමෙන් සිදුවූ අනතුරකින් පුද්ගලයන් 38ක් තුවාල ලබා පේරාදෙණිය රෝහලට ‌ඇතුළත් කර තිබේ.

මෙම අනතුර ඊයේ සවස සිදුව තිබූ අතර තුවාල ලැබූවන් අතරින් ඒක් පුද්ගලයෙක් ජීවිතක්ෂයට පත්ව තිබුණි. මෙසේ ජීවිතක්ෂයට පත්ව තිබුණේ අවුරුදු 79ක් වන වැඩිහිටියෙකි. පේරාදෙණිය පොලීසිය වැඩිදුර පරික්ෂණ පවත්වන අතර තුවාල ලැබූවන් අතර රියදුරුද වෙයි.