දෙහිවල සිටි එකම ඔරං ඔටං සත්ත්වයා මිය යයි

විදේශ සත්වෝද්‍යාන හා සිදුකල සත්ව හුවමාරු වැඩ  සටහන් යටතේ දෙහිවල ජාතික සත්වෝද්‍යානය වෙත ඉන්දුනීසියාවේ ජාතික සත්වෝද්‍යානයෙන් පරිත්‍යාගයක් ලෙස   ලැබුන අකී සහ යූපෝ නැමැති ඔරංඔටන් යුවලට දාව 2009 වසර දෙහිවල ජාතික සත්වෝද්‍යානය තුලදී උපත ලද " සකීපෝ " නම් අවුරුදු 15 ක් වයස මේ වනවිට ලංකාවේ සිටි එකම ඔරංඔටන් සත්වයා ඉකුත් (06) වනදින අසනීප තත්වයෙන් සිට පශු වෛද්‍ය ප්‍රතිකාර ලබමින් සිට සුවය ලබා හදිසියේ මියගොස් ඇතැයි සත්වෝද්‍යානය ඉහල නිලධාරියකු පැවසීය.

මේ පිළිබඳව සත්වෝද්‍යානය කළමණාකරන නිලධාරී මහතකුගෙන් කල විමසීමේදී කියා සිටියේ ඔරංඔටන් එම සත්වයා දින කීපයක සිට අසනීප තත්වයෙන් සිට ඇති බවත් පසුව සුවය ලබා සිටි අතර ඉකුත් 06 වනදින  අළුයම හදිසියේ මියගොස් ඇතැයිද එම ප්‍රකාශකයා වැඩිදුරටත් පැවසීය.

ඒ අනුව මරණයට නිශ්චිත හේතුවක් කීමට නොහැකි බවත් ,එබැවින් මේ වනවිට එම සත්ව සිරුර පශ්චාත් මරණ පරීක්ෂණය සදහා පේරාදෙනිය පශු වෛද්‍ය පීඨය වෙත යොමුකරනු ලැබ ඇති බවත් පැවසීය.