දුම්රියේ ඔන්ලයින් ටිකට් වංචාවට තිත

ඔන්ලයින් ක්‍රමවේදය ඔස්සේ දුම්රිය ආසන වෙන්කර ගැනීමේදී ජාතික හැඳුනුම්පත් අංකය හෝ විදේශ ගමන් බලපත්‍ අංකය ඇතුළත් කිරීම අනිවාර්ය කර තිබේ.

ප්‍රවේශපත්‍ර වෙන් කිරීමේදී සිදුවන අපහසුතා හා අක්‍රමිකතා වැළැක්වීම සඳහා මෙම ක්‍රමවේදය අනුගමනය කරන බව දුම්රිය දෙපාර්තමේන්තුව සඳහන් කරයි. 

ඇල්ල ඔඩිසි වැනි ඉල්ලුම වැඩි දුම්රියන්හි ආසන ඇතැම් පුද්ගලයන් විසින් වෙන්කරවා ගෙන, ඒවා වැඩි මිලට අලෙවි කරන සිදුවීම්ද වාර්තා වී ඇත. මෙවැනි තත්ත්වයන්ට විසඳුමක් ලෙස මෙම තීරණයට එළඹ තිබේ.