කෝටි 2 කට ආසන්න වටිනා අයිස් මත්ද්‍රව්‍ය සමග දෙදෙනෙක් අත්අඩංගුවට

රුපියල් කෝටි දෙකකට ආසන්න අයිස්මත්ද්‍රව්‍ය  තොගයක්  ත්‍රීරෝද රථයකින් ප්‍රවාහනය කරමින් සිටි පුද්ගලයන් දෙදෙනෙක්  දෙමටගොඩ බේස්ලයින් පාර සිරිසර උයන මහල් නිවාස සංකීර්ණය අසලදී අත්අඩංගුවට ගත් බව කොළඹ අපරාධ කොට්ඨාසය කියයි

අත්අඩංගුවට ගත් ප්‍රධාන සැකකරු ඔරුගොඩවත්ත  චප්පා නමැත්තෙකි.අනෙක් සැකකරු තීරෝද රථයේ රියදුරායි.එම සැකකරු බොරැල්ල සහස්පුර පදිංචිකරුවෙකි.

ප්‍රධාන සැකකරු සන්තකයේ තිබී අයිස් මත්ද්‍රව්‍ය  ගෑම් 1580 ක් පොලිස් භාරයට ගෙන ඇත

පොලිස්පති දේශබන්දු  තෙන්නකෝන් මහතාගේ නියෝග සහ උපදෙස් පරිදි සංවිධානාත්මක අපරාධ මැඩලීම සඳහා දියත් කරන ලද විශේෂ මෙහෙයුමේදී සංවිධානාත්මක අපරාධ  කණ්ඩායම්වල සාමජිකයන්ගේ නාම ලේඛණයට පරිබාහිරව කොළඹ අපරාධ කොට්ඨාසයට ලද තොරතුරකට අනුව  සැකකරුවන් අත්අඩංගුවට ගෙන ඇත

    වයස අවුරුදු 39 හා 41 අතර පසුවන සැකකරුවන් දෙදෙනා අධිකරණය වෙත ඉදිරිපත් කිරීමට නියමිතය

කොළඹ අපරාධ කොට්ඨාසයේ  අධ්‍යක්ෂක සහකාර පොලිස් අධිකාරී නෙවිල්  ද සිල්වා ස්ථානාධිපති ප්‍රධාන පොලිස් පරීක්ෂක අන්සලම් ද සිල්වා මහත්වරුන්ගේ උපදෙස් මත පොලිස් පරීක්ෂක ප්‍රදීප් මහතා ඇතුළු නිලධාරීන් කණ්ඩායමක් පරීක්ෂණ පවත්වයි