කෝටි 19 මත්ද්‍රව්‍ය සමග ඇල්ලූ තරුණයාගේ වාහන පොලිස් භාරයට

ඩුබායි රටට වී සිටින මත්කුඩු ජාවාරම්කරුවෙකු එවන ලද කියන රුපියල් කෝටි දහ නවයකට ආසන්න 
වටිනාකමින් යුත් අයිස්,  හෑෂ් හා  හෙරොයින් කිලෝ 30 කට වැඩි පුමාණයක් සමග බියගම ප්‍රදේශයේදී  අත් අඩංගුවට ගත්  තරුණයාගේ තොරතුරු මත පැජරෝ  රථයක් හා ස්කුටි වර්ගයේ  යතුරු පැදි තුනක් බියගම පොලිසිය මගින් ඊයේ ( 29 වැනිදා ) පස්වරුවේ සොයා  ගෙන ඇත.. 

මේ වනවිට  අත් අඩංගුවට ගෙන රැඳවුම් නියෝග මත  රැඳවුම් භාරයේ සිටින එම තරුණයාගේ කඩුවෙල  , බෝමිරිය ප්‍රදේශයේ පිහිටි ඔහුගේ නිවසේ තිබි එම පැජරෝ රථය හා යතුරු පැදි තුන පොලිස් භාරයට  ගැනිණි. 

මේ පැජරෝ රථය හා යතුරු පැදි තුන එම තරුණයාට ලබා දී තිබෙන්නේ ඔහුට එම මත්ද්‍රව්‍ය ලබා දුන් බව කියන දැනට ඩුබායි වල සැඟවී සිටින මත්කුඩු ජාවාරම්කරු විසින් බවට අනාවරණයවිය. 

මේ අතර රැඳවුම් නියෝග මත සිටින එම තරුණයාගෙන් තවදුරටත් ප්‍රශ්න කර ගෙන යයි.