කුණු කොල්ලයට ගිය කැරට් විකුණගන්නත් බැරිවෙයි

වියලුව හා ඒ අවට ප්‍රාදේශවල කැරට් අස්වැන්න ඉහළ යාම හේතුවෙන් ඊයේ (01)  මීගහකිවුල නගරයේ පැවැති සති පොළ වෙත වෙළඳුන් රැගෙන ආ කැරට් විකුණා ගත නොහැකිව  පොළ භූමියේම ගොඩ ගසා තිබුණි.

රැගෙන ආ කැරට් තොග ඉතා අඩු මිලකට විකිණීමට තැත් කළද එසේත් කළ නොහැකි වූ බැවින් කැරට් මේ අයුරින් ඉවත දමා යන බව වෙළෙන්දෝ පැවසූහ.

කැරට් ගෝනි යළිත් රැගෙන යෑමට තවත් මුදලක් වැය කරනවා වෙනුවට මෙලෙස ඒවා විසිකර යෑම තමුන්ට ලාභදායි බව ද වෙළෙන්දෝ පැවසූහ.

එන් කේ නිශ්ශංක මීගහකිවුල