උසස්පෙළට 10දාට පෙර අයදුම් කරන්න

අධ්‍යයන පොදු සහතික පත්‍ර උසස් පෙළ විභාගය (2024 ) සඳහා පෙනී සිටින  පාසල් හා පෞද්ගලික අයදුම්කරුවන් ඔන්ලයින් තාක්ෂණය ඔස්සේ  ලබන මස 10 වැනි දිනට පෙර අයදුම්පත් යොමු කළ යුතු බව විභාග දෙපාර්තමේන්තුව සඳහන් කරයි.

අයදුම්පත් භාරගැනීමේ  අවසාන දිනය දීර්ඝ නොකරන බවත්, මේ නිසා නියමිත දිනට පෙර විභාගයට ඉල්ලුම් කළ යුතු බවත් පෙන්වා දෙයි.

විභාග දෙපාර්තමේන්තුවේ www.doenets.lk  හෝ www. Onlineexams.gov.lk/eic   වෙත පිවිස  හෝ DoE  නිල ජංගම යෙදුම මගින් අදාෙළ අයදුම්පත් යොමු කිරීම සිදුකළ හැකි බවද සඳහන් කරයි.

පාසල් අයදුම්කරුවන් විදුහල්පතිවරයා මගින් හා පෞද්ගලික අයදුම්කරුවන් තමන් විසින් අදාළ  අයදුම්පත් යොමු කළ යුතු බවත් , පෞද්ගලික අයදුම්කරුවන්  අයදුම්පත් ඉදිරිපත් කිරිමෙන්  පසුව එහි මුද්‍රිත පිටපතක්  තමන් භාරයේ සුරක්ෂිතව තබාගත යුතු බතේ පෙන්වා දෙයි.

 මේ පිළිබඳව කිසියම් විමසීමක් සිදුකිරීමට අවශ්‍ය නම් 1911 හෝ 0112784208 හෝ 0112784537 යන දුරකතන අංක මගින් විමසීම් සිදුකළ හැකිය.