අයිස් සමග එස්.අයි. අල්ලයි

වැල්ලම්පිටිය  කිත්තම්පහුව ලැගුම්හලක් තුළදී බ්ලූ මැන්ඩල්  පොලිසියට අනුයුක්ත උප පොලිස් පරීක්ෂකවරයෙකු අයිස් මත්ද්‍රව්‍ය  සමග  අත්අඩංගුවට ගත් බව වැල්ලම්පිටිය පොලිසිය කියයි.

සැකකරු සන්තකයේ තිබී අයිස් මත්ද්‍රව්‍ය මිලිගෑම් 100 ක් පොලිස් භාරයට ගෙන ඇත.

වැල්ලම්පිටිය පොලිසියේ  නිලධාරීන් කණ්ඩායමක් ඉකුත් 17 වෙනි දින  සිදු කරන ලද වැටලීමේදී එහි සිටි පුද්ගලයෙකු අත්අඩංගුවට ගෙන පරික්ෂා කිරීමේදී මත්ද්‍රව්‍ය  ළඟ තබා ගැනීමේ වරදට අත්අඩංගුවට ගෙන ඇති අතර වැඩිදුරටත් ප්‍රශ්න කිරීමේදී ඔහු පොලිස් නිලධාරියකු බවට අනාවරණය වී යැයි  උසස් පොලිස් නිලධාරියෙකු පැවසීය.

සැකකාර උප පොලිස් පරීක්ෂකවරයා 2019 වර්ෂයේ ජනවාරි මස පොලිස්  සේවයට එක්වූ අයෙක් බව වැඩිදුර විමර්ශනවලදී අනාවරණය වී ඇත.

අනුරාධපුර දෙවන පියවර පදිංචි 27 හැවිරිදි  සැකකරු අලුත් කඩේ අංක දෙක අධිකරණය වෙත ඉදිරිපත් කිරීමට නියමිතය.