අනුර කැනඩාවට

ජාතික ජනබලවේගයේ නායක අනුර කුමාර දිසානායක මහතා අද (20දා) සවස කැනඩාව බලා පිටත්විය.

ඒ කැනඩාවේ ජීවත් වන ශ්‍රී ලාංකිකයන් අමතන ජන හමු කිහිපයකට සහභාගි වීම සඳහාය. 

ජාතික ජනබලවේගයේ කැනඩා කමිටුව විසින් සංවිධානය කරනු ලැබ ඇති ප්‍රධාන ජන හමු දෙකෙන් පළමුවැන්න 23වැනි සෙනසුරාදා දින පස්වරු 3.00ට කැනඩාවේ ටොරොන්ටෝ අගනුවරදීද, දෙවැන්න 24වැනි ඉරිදා දින පස්වරු 2.30ට වැන්කුවර් නගරයේදීද පැවැත්වෙනු ඇත.

මෙම ප්‍රධාන ජනහමුවලට අමතරව කැනඩාවේ වෙසෙන ශ්‍රී ලාංකේය දෙමළ හා මුස්ලිම් ප්‍රජාව මුණගැසෙන සුහද හමු කිහිපයකටද සහභාගිවීමට ජාතික ජනබලවේගයේ නායක අනුර කුමාර දිසානායක කටයුතු කිරීමට නියමිතය.